BAS MEShITTE BALALAR ALAŃY AShYLDY (FOTO)
Búgin QMDB janyndaǵy Respýblıkalyq bas meshitte arnaıy oıyn qurylǵysymen, oıynshyqtarmen jabdyqtalǵan Balalar alańy ashyldy.
Alańnyń ashylýyna arnaıy qatysqan QMDB tóraǵasy, Bas múftı Naýryzbaı qajy Taǵanuly Alla Taǵala Quranda balalarymyzdyń bizge berilgen ómir kórki ekenin, olardy ımandy etip tárbıeleýge tıisti ekenimizdi jetkizip, bala tárbıesine mańyz berdi.
«Ál-Farabı babamyz «Tárbıesiz berilgen bilim – adamzattyń qas jaýy» deıdi. Allaǵa shúkir, balalarymyzdyń bilim alýlaryna barlyq múmkindikter bar. Meshitterimiz, aǵartýshy ımam-ustazdarymyz bala boıynda zamanaýı bilimmen birge rýhanı ilimdi de qalyptastyrý úshin qyzmet jasaýda. Onyń aıǵaqtarynyń biri búgingi ashylǵan «Din men dástúr» ortalyǵy, myna balalardyń oıyn alańy. Balalyq shaqtan bastap meshit tárbıesin alǵan baladan eline, halqyna janashyr azamattardyń shyqqanyna tarıh kýá. Sondyqtan barshańyzdy balalarymyzdyń osy rýhanı tárbıesine kóńil bólýge shaqyramyz» dedi Naýryzbaı qajy Taǵanuly.
