Bas meshitte qarılarǵa qurmet kórsetildi (FOTO)
Búgin, qasıetti Qadir túninde Nur-Sultan qalasyndaǵy respýblıkalyq «Áziret Sultan» meshitinde Quran hatym aıaqtalyp, Bas múftı Naýryzbaı qajy Taǵanuly duǵasyn jasady. Otyz kún ramazan boıy Bas meshit jamaǵatyn áýezdi maqamymen terbetken qarılarǵa halyq aldynda qurmet kórsetip, jamaǵatqa taǵy bir tanystyryp ótti.
Aıta keteıik, elimizdiń Bas meshitindegi taraýıh namazyndarynda elimizge belgili qarılar Jumanazar Sadyrhanov, Murtaza Balahmet, Erbolat Shaýdyrbaı jáne 5 synyp oqýshysy, túrkistandyq Valıhan Mansýrhan ımamdyqqa shyǵyp, jamaǵatty bir aı boıy Alla sózimen sýsyndatqan bolatyn.
Jamaǵat aldynda tórt qarıdyń ıyǵyna qazaqy dástúrge saı shapan jabylyp, arnaıy «Alǵys hatpen» marapattaldy.
