Bas meshitte Ramazannyń alǵashqy kúni 600 jan aýyz ashty (FOTO+VIDEO)

Ashylǵaly beri qasıetti Ramazan  boıy jamaǵatqa tegin aýyzashar dastarhanyn uıymdastyryp kele jatqan Nur-Sultan qalasyndaǵy respýblıkalyq «Áziret Sultan» meshiti bıylǵy jyly 600 janǵa dastarhan jaıdy. Meshittiń tómengi qabatyndaǵy meıramhanaǵa aqsham namazynan soń Alla razylyǵy úshin aýyz bekitken musylman jamaǵaty lyq olyp, berekeli dastarhan basynda bas qosty.

Aýyzashar dastarhanynyń alǵashqy qonaqtaryn QMDB tóraǵasynyń birinshi orynbasary, naıb múftı, Nur-Sultan qalasynyń bas ımamy Naýryzbaı qajy Taǵanuly ózi qarsy alyp, izgi tilegin jetkizdi. Ulyq aıdyń qadir-qasıetin túsindirip, orazanyń ulyqtyǵyn baıandaǵan naıb múftı ýaǵyzy jamaǵat úshin búgingi keshtiń rýhanı azyǵy boldy.

Jyldaǵy dástúr boıynsha bıylǵy jyly da Bas meshittegi aýyzashar dastarhanyna Qarttar úıi men balalar qalashyǵy, zaǵıptar qoǵamy, múgedekter qaýymdastyǵy sekild túrli áleýmettik uıym ókilderi, uastazdar men dárigerler qaýymy, sport jáne mádenıet ókilderi, qalamyzdaǵy belsendi jastar, túrli jumysshylar tobynan arnaıy qonaqtar shaqyrylyp otyratyn bolmaq. Bul úshin meshit bas ımamy Naýryzbaı qajy Taǵanulynyń bastamasymen arnaıy bıylǵy jyly «Berekeli Ramazan» dastarhany jaıylyp otyr.

Sýretterdi «FOTOGALEREIa» aıdarynan kóre alasyzdar!