Bas meshittegi «Berekeli Ramazan» dastarhanynan dárigerler dám tatty (FOTO)

14 mamyr 2019 735 0
Оqý rejımi

Nur-Sultan qalasyndaǵy respýblıkalyq «Áziret Sultan» meshitindegi aýyzashar dastarhanyna keshe Elordamyzdaǵy dárigerler qaýymy shaqyrylyp, qurmetti meıman bolyp qaıtty. Aıta keteıik, bıylǵy jyly Bas meshitte kún saıyn 600 janǵa tegin aýyzashar berilip keledi. QMDB tóraǵasynyń birinshi orynbasary, naıb múftı Naýryzbaı qajy Taǵanulynyń basatmasymen byltyrǵy jyldan bastap qalamyzdaǵy túrli mamandyq ıeleri (dárigerler, ustazdar, sportshylar, óner jáne mádenıet ókilderi, jýrnalıstter, kóshe tazalyqshylary, erikti jastar uıymy, t.b) jáne áleýmettik uıym ókilderi (Qarttar úıi, Balalar qalashyǵy, Zaǵıptar qoǵamy, múgedekter qaýymdastyǵy, t.b.) arnaıy aýyzashar dastarhanyna shaqyrylyp, «Berekeli Ramazan» shýaǵymen bólisip keledi.

«Áziret Sultan» meshitiniń konferentsııa zalynda arnaıy ázirlengen «Berekeli Ramazan» dastarhanyna bul joly qalamyzdaǵy Jedel járdem qyzmetinde jumys isteıtin 60 jan shaqyryldy. Meshit ustazy Úsen Sáýirbaev qonaqtarǵa qasıetti Ramazan aıy jaıynda tushymdy ýaǵyz aıtyp, aýyzashar dastarhanynan rýhanı nár alyp qaıtýylaryna sebepshi boldy.

«Berekeli Ramazan» dastarhanyna Ramazan boıy joǵaryda aıtylǵan qonaqtar kezekpen shaqyrylyp turatyn bolmaq. Qoǵam arasynda qasıetti Ramazan aıynyń qadirin arttyryp, halyqqa qyzmet jasap kele jatqan jandarǵa qurmet tanytý – qulshylyq ordalarynyń qashanda basty qaǵıdasy bolyp qala bermek.

Sýretterdi «FOTOGALEREIa» aıdarynan kóre alasyzdar!

Pіkіrler Kіrý