BAS MÚFTI «ÁL-ǴANI» MEShITINDE JAMAǴATQA NASIHAT AITTY (FOTO)

Keshe Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly elordadaǵy «Ál-Ǵanı» meshitinde ótken taraýyq namazynda jamaǵatqa nasıhat aıtty.

Meshit jamaǵatyn Ramazan aıymen quttyqtap, Hatym Quranda qarılar oqıtyn «Iýsýf» súresi jaıly nasıhat aıtqan Bas múftı: «Iýsýf» súresi ardaqty Paıǵambarymyzǵa (oǵan Allanyń salaýaty men sálemi bolsyn) «Ǵamý-l-hýzn» ıaǵnı qaıǵy jyly túsirilgen. Bul jyly Alla elshisi (oǵan Allanyń salaýaty men sálemi bolsyn) súıikti jary Hadısha anamyz jáne nemere aǵasy Ábý Tálipten aıyrylǵan bolatyn. «Iýsýf» súresinde Alla Taǵala Júsip paıǵambardyń qıssasyn baıandaıdy. Qıssada Júsip paıǵambardyń kórgen qıynshylyqtary, aǵaıyndarynyń oǵan jasaǵan qııanaty, sońynda Alla Taǵala Júsip paıǵambardy ol qıynshylyqtardan qutqarǵandyǵy týrasynda aıtylǵan» dep, osy súredegi atalmysh qıssadan alatyn ǵıbrattarǵa toqtalyp ótti.

QMDB Tóraǵasy taraýyq namazynyń sońynda jamaǵatpen birge elimiz ben jerimizdiń amandyǵy úshin duǵa jasady.

​