BAS MÚFTI ALMATYDA ARDAGER DIN QYZMETKERLERIMEN KEZDESTI
Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Almaty qalasyna jasaǵan resmı issapary barysynda din salasyna uzaq jyldar boıy súbeli úles qosqan ardager din qyzmetkerlerimen arnaıy kezdesti.
Kezdesý barysynda elimizdegi dinı qyzmettiń ótkeni men búgini, rýhanı sabaqtastyq, sondaı-aq jas býynǵa úlgi bolatyn ónegeli jol týraly áńgime órbidi. Ardagerler din jolyndaǵy qyzmettiń jaýapkershiligi men amanaty jóninde oı bólisti.
Kezdesý aıasynda Bas múftı Qazaqstan musylmandary dinı basqarmasynyń 35 jyldyq mereıtoıy aıasynda Bekmuratov Baızaq Orynbasaruly men Dáýletııar Saǵıtjan Áripulyna «QMDB-ǵa 35 jyl» merekelik medalin tabystady.
Saltanatty rásim barysynda Bas múftı ardager din qyzmetkerleriniń rýhanııat jolyndaǵy qajyrly eńbegine rızashylyǵyn bildirip, úlkenge qurmet kórsetý – sharıǵatymyzdaǵy mańyzdy qundylyqtardyń biri ekenin atap ótti.
