BAS MÚFTI AQPARAT SALASY QYZMETKERLERIN KÁSIBI MEREKEMEN QUTTYQTADY

Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly 28 maýsym – Buqaralyq aqparat quraldary qyzmetkerleri kúnine oraı QMDB-nyń aqparat salasynda eńbek etip júrgen qyzmetkerlerdi kásibı merekemen quttyqtady.

Bas múftı óz quttyqtaýynda aqparat qyzmetiniń qoǵamǵa rýhanı qundylyqtardy nasıhattaýdaǵy jáne dinı basqarmanyń qyzmetin halyqqa keńinen tanytýdaǵy mańyzdy róline toqtaldy.

«Qazaqstan musylmandary dinı basqarmasynyń aqparattyq-aǵartýshylyq qyzmetin damytýǵa, qoǵamǵa rýhanı qundylyqtardy nasıhattaýǵa jáne Múftııattyń ıgi bastamalaryn kópshilikke jetkizý jolyndaǵy eńbekterińizge alǵysymdy bildiremin. Sizderdiń qajyrly qyzmetterińiz rýhanı aǵartý isiniń órkendeýine jáne qoǵamdaǵy birlik pen tatýlyqtyń nyǵaıýyna úles qosyp keledi», – dedi QMDB Tóraǵasy.

Aıta keteıik, búginde QMDB-nyń Aqparat jáne qoǵammen baılanys bólimi, «Munara» gazeti, «Iman» jýrnaly, «Munara» telearnasy jáne ózge de aqparattyq resýrstary rýhanı-aǵartýshylyq baǵyttaǵy jumystardy júıeli túrde júzege asyryp keledi.

​