BAS MÚFTI AQTÓBEDE AÝQYMDY QAIYRYMDYLYQ IS-ShARASYNA QATYSTY
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Aqtóbe oblysyna barǵan saparynda «Nur Ǵasyr» meshitinde ótken aýqymdy qaıyrymdylyq is-sharasyna qatysty.
Igi is-shara barysynda Aqtóbe qalasyndaǵy 300 otbasyǵa áleýmettik mańyzy bar azyq-túlik sebetteri úlestirildi.
«Ardaqty Paıǵambarymyz Muhammed (oǵan Allanyń salaýaty men sálemi bolsyn) týǵan aıy – qasıetti Máýlit aıynda ózderińizdi qýantaıyq degen nıetpen aldaryńyzǵa kelip otyrmyz. Máýlit merekesine oraı Qazaqstan musylmandary dinı basqarmasyna qarasty árbir óńirdegi meshitterde arnaıy merekelik syılyqtar taratylýda. Alla árqashan qýanyshta júrýdi násip etsin. Kishkentaı balapandaryńyz erteń óskende elge qyzmet etetin, ózgelerge kómektesetin baýyrmal tulǵa bolsyn. Shańyraqtaryńyzdan shattyq ketpesin» dedi Bas múftı Naýryzbaı qajy Taǵanuly.
