BAS MÚFTI AQTÓBEDE JUMA ÝAǴYZYN AITTY

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Aqtóbe oblysyna barǵan saparynda ortalyq «Nur Ǵasyr» meshitinde juma ýaǵyzyn aıtty.

«Paıdaly bilim alýdyń mańyzy» taqyrybynda nasıhat aıtqan Bas múftı: «Adamnyń paıdaly bilim alyp, oǵan amal etýi, sol bilimdi halyqtyń qyzmetine jaratýy – úlken sharapatty is. Shal aqyn: «Bilimiń bolsa daǵy ushan-teńiz, paıdasy joq halqyńa qyzmet etpeı», – deıdi.
Paıdaly bilim – adam dúnıeden ótkennen keıin onyń artynan saýap bolyp baratyn eń qaıyrly isterdiń biri. Ardaqty Paıǵambarymyz (oǵan Allanyń salaýaty men sálemi bolsyn): «Adam dúnıeden ótkende, onyń úsh amalynan basqasynyń bári toqtaıdy. Olar – úzilmeıtin sadaqa, basqalarǵa paıdasy tıetin bilim jáne salıqaly urpaqtyń oǵan arnap jasaıtyn duǵasy», – dep aıtqan. Bul hadıs barshamyzǵa paıdaly bilim alýǵa úndeıdi. Alla Taǵala siz ben bizge paıdaly bilim alyp, el ıgiligi jolynda aıanbaı qyzmet etýdi jazǵaı» dedi.

Juma ýaǵyzynan keıin Bas múftı elimiz ben jerimizdiń berekesi úshin arnaıy duǵa jasady.