BAS MÚFTI «ÁZIRET SULTAN» MEShITINIŃ AQSAQALDARYMEN KEZDESTI

Búgin qasıetti juma kúni Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly elordadaǵy «Áziret Sultan» meshitinde ótken «Úlkenge qurmet – saltymyz» atty is-sharaǵa qatysty.

Jıynǵa Astana qalasynyń Bas ımamy Nurbek Áýeshanuly bastaǵan meshit qyzmetkerleri men meshit jamaǵaty arasyndaǵy aqsaqaldar qatysty.

Kezdesýde Bas múftı Naýryzbaı qajy Taǵanuly aqsaqaldarǵa izgi tilegin bildirip, eldiń rýhanı ómiri men meshit jamaǵatynyń bereke-birligin nyǵaıtýǵa qosyp kele jatqan úlesine toqtaldy. Aqsaqaldardyń keıingi býynǵa ónege kórsetip, jastardy ımandylyqqa, úlkendi qurmetteýge jáne ulttyq qundylyqtardy dáripteýge baǵyttap kele jatqan eńbegin atap ótti.

Is-shara barysynda meshittiń birqatar aqsaqalyna arnaıy alǵys hattar tabystaldy. Sonymen qatar Qazaqstan musylmandary dinı basqarmasy janyndaǵy «MUFTIYAT» baspasynan jaqynda jaryq kórgen «Islam jáne Adal qoǵam» kitabynyń tanystyrylymy ótip, jańa eńbek aqsaqaldarǵa syıǵa tartyldy.

Kezdesý sońynda aqsaqaldar Bas múftıge rızashylyǵyn bildirip, kórsetilgen qurmet úshin alǵystaryn aıtty. Sondaı-aq, el birligi men dinı turaqtylyqtyń nyǵaıýyna, meshit pen jamaǵat arasyndaǵy ózara syılastyq pen bereke-birliktiń arta berýine tilektestik bildirdi.















 

​