BAS MÚFTI BABALAR RÝHYNA 100 QURAN HATYM DUǴASYN JASADY

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Aqtóbe oblystyq ortalyq «Nur Ǵasyr» meshitinde Aqtóbe jerinen shyqqan ahýandar men ıshandar, sonymen qatar elimizdiń erteńi úshin sheıit bolǵan babalar rýhyna arnap 100 Quran hatym duǵasyn jasady.

«Búgin qasıetti Quran Kárimdi júz márte hatym etip, onyń duǵasyn jasaýǵa jınalyp otyrmyz. Alla Taǵala jasaǵan qulshylyǵymyzdy qabyl etip, qasıetti Qurannyń sharapatyn barshamyzǵa násip etsin! Quran – Alla Taǵalanyń adamzatqa jibergen uly kitaby. Ol – júrekke shıpa, kóńilge medet, ómirimizge baǵyt-baǵdar beretin uly syı.
 
Alla Taǵala: «Rasynda, bul Quran eń týra jolǵa bastaıdy» («Isra» súresi, 9-aıat), – dep baıandaıdy. Demek, Quran kóp oqylatyn kitap qana emes, adam ómirin túzeıtin, júregin tárbıeleıtin, minezin kórkeıtetin qasıetti kitap.

Alla Taǵala dúnıeden ótken ahýndar men ıshandardy, batyr babalarymyz ben ult qamy úshin sheıit bolǵan bozdaqtarymyzdy, barsha marqum musylman baýyrlarymyzdy raqymyna bólep, qabirlerin nurǵa toltyrǵaı, dárejelerin arttyryp, kúnálaryn keshirgeı! Áýmın!» dedi Bas múftı.