BAS MÚFTI BABALAR RÝHYNA 100 QURAN HATYM DUǴASYN JASADY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly «Beket ata» meshitinde kıeli Mańǵystaý óńirinen shyqqan áýlıeler men elimizdiń erteńi úshin sheıit bolǵan babalar rýhyna 100 Quran hatym duǵasyn jasady.

Dástúrge aınalǵan ıgi is-sharaǵa zııaly qaýym ókilderi, respýblıkalyq Quran baıqaýynyń ádilqazy músheleri, din qyzmetkerleri men qarılar qatysty.

Igi basqosýda Bas múftı Naýryzbaı qajy Taǵanuly: «Ózderińizge belgili, biz jyl basynda Qazaqstan musylmandary dinı basqarmasynyń aıtýly is-sharalar josparyn bekittik. Bekitilgen josparǵa sáıkes din qyzmetkerleri, ustazdar men shákirtter kún saıyn Qurandy tolyq oqyp, ata-baba rýhyna baǵyshtaýy lázim. Allaǵa shúkir, bul ıgi bastamamyz kún saıyn oryndalýda. Osydan birneshe kún buryn qarılar ortalyǵy men medresedegi shákirtterimiz qasıetti Qurandy 100 ret tolyq oqyp shyqty. Alla Taǵala ata-babalarymyzdyń rýhyn shat etkeı!» dedi.

​