Bas múftı balalarmen kezdesti (FOTO)

10 qazan 2019 4380 0
Оqý rejımi

QMDB tóraǵasy, Bas múftı Serikbaı qajy Oraz Býrabaı bókterinde ornalasqan "Baldáýren" respýblıkalyq oqý-saýyqtyrý ortalyǵyna arnaıy at basyn tiredi.

Kezdesýde Halyqaralyq qatynas jáne hattama bóliminiń basshysy Ershat Ońǵarov, QMDB-nyń Aqmola oblysy boıynsha ókili jáne oblystyq ortalyq «Naýan Hazret» meshitiniń bas ımamy Qýanysh Sábıt, "Baldáýren" respýblıkalyq oqý-saýyqtyrý ortalyǵy dırektorynyń orynbasary Qýat Nurmuhanov jáne Baýyrjan Álıuly boldy.

Bas múftı balalarǵa ózara meıirban, qamqor, ádepti bolýdy, densaýlyqtyń qadirin bilýdi nasıhat etti.

«Biz mazmundy, maǵynaly ómir súrý úshin beıbit otanymyzdyń qadirin túsine alatyn, eńbekkor adam bolýymyz kerek. Ata-anasyn syılaıtyn, árbir istiń qadirine jetetin, ortaq úıi – Otanynyń patrıoty men tireýi bola alatyn, ózgege ónege kórsete alatyn tulǵa bolýymyz kerek»,- dedi Serikbaı qajy Oraz.

Kezdesý barysynda oqýshylar kókeıdegi saýaldaryn qoıyp, aqjarma tilekterin jetkizdi. Sondaı-aq jıynda sóz alǵan belgili ustaz Baýyrjan Álıuly oqýshylarǵa dinimizdegi bilim alýdyń mańyzdylyǵyn baıandap berdi.

 

Pіkіrler Kіrý