BAS MÚFTI BASTAǴAN ELORDA IMAMDARY TEATRDA OTBASYLYQ QOIYLYM TAMAShALADY (FOTO)
Qazaqstan musylmandary dinı basqarmasy jarııalaǵan «Islam jáne otbasy qundylyǵy» jyly aıasynda QMDB Tóraǵasy, Bas múftı Naýryzbaı qajy Taǵanulynyń bastaýymen elorda ımamdary Qalıbek Qýanyshbaev atyndaǵy Qazaq ulttyq mýzykalyq drama teatrynda qoıylǵan «Patsha kóńilim, ne deısiń?» atty otbasylyq qoıylymdy tamashalady.
Qoıylymnan soń Bas múftı Naýryzbaı qajy Taǵanuly qazaq qoǵamyndaǵy qara shańyraqtyń máni men rýhanı mańyzyna toqtaldy: «Rasynda, qazaq uǵymynda qara shańyraq – otbasynyń, áýlettiń, rý men urpaqtyń birligin, berekesin, kıesin saqtaýshy qasıetti uǵym. Qara shańyraqqa qurmet – ata-baba rýhyna, túp tamyrǵa degen qurmet. Qazaq «Qara shańyraqtyń ıesi» dep úlken mártebe beredi. Qazaqta «Qara shańyraqqa bata berilmeıdi, odan bata alynady» degen sóz bar. Bul sóz qarashańyraqtyń mártebesi men qasıetti ekenin kórsetedi. Qazaq úshin qara shańyraq – jaı ǵana úı emes, ol áýlettiń rýhanı ortalyǵy, bereke men birliktiń belgisi. Ony saqtaý – urpaqtyń paryzy men abyroıy», – dedi Bas múftı.
Aıta ketsek, qoıylymda otbasy uıytqysynyń róli, qara shańyraqqa degen qurmet jáne urpaqtar sabaqtastyǵynyń mańyzy sahnalyq kórinister arqyly áserli túrde beınelendi.
Источник: Aidos
