Bas múftı baýyrmaldyq jóninde juma nasıhatyn aıtty (VIDEO)

22 mamyr 2020 234 0
Оqý rejımi

Búgin, bıylǵy Ramazan aıynyń sońǵy jumasynda QMDB tóraǵasy, Bas múftı Naýryzbaı qajy Taǵanuly kezekti juma nasıhatyn aıtty.

Bas múftı baýyrmaldyq jóninde aıta kele, sharıǵatta baýyrdyń eki túrli bolatynyn tilge tıek etti.

– Islam dininde baýyr uǵymy tek týysqandyqpen shektelmeıdi. Adamdarǵa meıirimmen qarap, baýyrym dep ózine tartýy – baýyrmaldyq, ıaǵnı, adam boıyndaǵy qundy qasıet. Al týysqanmen tatý bolý, jaqsy qarym-qatynasta bolý – Jaratýshymyzdyń buıryǵy. Qasıetti Qurannyń «Raǵyd» súresiniń 21-aıatynda Alla Taǵalanyń «jalǵastyryńdar» degen ámirin oryndap, týysqandyq qatynasty úzbeıtinder – Rabbylarynan shynaıy túrde qorqýshylar dep dáriptelse, «Nahl» súresiniń 90-aıatynda aǵaıyn-týysqa qaraılasýdy buıyrady.

Osyndaı aıattarǵa nazar salǵan halqymyz «Óle jegenshe, aǵaıynmen bóle je», «Týysy – birdiń, qonysy – bir», «Týysy – birdiń, ýysy – bir» dep ul-qyzdaryna aqyl-keńesterin berip, týǵan-týystyń, baýyrdyń qadiri jaıynda ósıet etip otyrǵan, - dedi Bas múftı juma nasıhatynda.

Pіkіrler Kіrý