Bas múftı «Biz_birgemiz» qaıyrymdylyq kerýenine qatysty (FOTO)

22 naýryz 2020 276 0
Оqý rejımi

Búgin Naýryz meıramy qarsańynda QMDB tóraǵasy, Bas múftı Naýryzbaı qajy Taǵanuly elorda ımamdarymen birge «Biz_birgemiz» atty qaıyrymdylyq kerýenine qatysty.

Elbasy Nursultan Nazarbaev pen Memleket basshysy Qasym-Jomart Toqaevtyń osynaý qıyn sátte elge qaıyrymdylyq baǵytta úles qosaıyq degen Úndeýine Áziret Sultan meshiti men Astana jastary eriktiler toby da ún qosty.

Qaıyrymdy sharany batamen ashqan Bas múftı syn saǵatta kópshilikti úlgi bolýǵa shaqyryp, eriktilerdiń eńbegine rızashylyǵyn bildirdi. Osylaısha Naýryzbaı qajy Taǵanuly ózi bastap, bólingen azyq-túlikti muqtaj otbasylarǵa tabystap Naýryz merekesimen quttyqtady.

Óz kezeginde qajetti azyq-túlikke qol jetkizgen jandar alǵysyn jaýdyryp jatty. Aıta keteıik mundaı ıgi shara elimizdiń eki iri qalasynda jalǵasyn tabýda.

Pіkіrler Kіrý