Bas múftı Frantsııa elshisimen kezdesti (FOTO)

Qazaqstan musylmandary dinı basqarmasynyń tóraǵasy, Bas múftı Serikbaı qajy Oraz Frantsııanyń elimizdegi Tótenshe jáne Ókiletti Elshisi Fılıpp MartınE myrzamen kezdesti.

Resmı kezdesýge QMDB tóraǵa orynbasary, naıb múftı Baýyrjan qajy Esmahan, QMDB Apparat basshysy Ǵylymbek Májıev, Halyqaralyq qatynas jáne protokol bóliminiń meńgerýshisi Ershat Ońǵarovtar qatysty.

Ekijaqty kezdesý barysynda taraptar Qazaqstandaǵy Islam dininiń damýy týraly áńgimelesti.

Óz kezeginde F.MartınE Túrkistan qalasyna 4 ret zııarat etkenin jáne Jarkent pen Aqyrtasta bolǵanyn jetkizdi. Dıplomat Qazaqstannyń Tuńǵysh Prezıdenti – Elbasy Nursultan Nazarbaevtyń «Rýhanı jańǵyrý» baǵdarlamasy jóninde pikirin bildirdi.

Sonymen qatar, Bas múftı men Elshi jastardy destrýktıvti dinı aǵymdardyń jalań urandarynan saqtandyrý, álemdik dinaralyq dıalog pen kelisimdi nyǵaıtý, halyq arasynda terrorızmniń kez-kelgen túrine tózbeýshilikti qalyptastyrý, t.b. máseleler tóńireginde suhbattasty.

Qazaqstan musylmandary dinı basqarmasynyń jańa ǵımaratyn aralap kórgen Fılıpp MartınE din qyzmetkerleriniń jumysyna sáttilik tilep, ıgi nıetin jetkizdi.