Bas múftı ǵulamalarǵa jańa ǵımaratty tanystyrdy (FOTO)

12 aqpan 2019 6023 0
Оqý rejımi

Búgin Bas múftı Serikbaı qajy Oraz Ǵulamalar keńesiniń HHI májilisine jınalǵan belgili din qaıratkerlerine múftııattyń Astanadaǵy jańa ǵımaratyn tanystyrdy.

Keńes músheleri keńseniń sport keshenin, kitaphanasyn, kompıýter zalyn, akt zalyn aralap kórdi.

«Bul múftııattyń tarıhynda oryn alǵan eleýli oqıǵa boldy. Jańa ǵımarat eldiń ıgiligi úshin qyzmet etedi. Alla Taǵala osy keńseniń turǵyzylýyna úles qosqan azamattarǵa jar bolsyn!» – dep atap ótti Serikbaı qajy Oraz.

Aıta keteıik, 4 qabatty záýlim ǵımarattyń kitaphana, akt zaly, sport zaly, namazhanasy, kompıýter bólmesi bar.

QMDB-nyń ákimshilik ǵımaratynyń qurylysy 2015 jyly bastalyp, 2018 jyldyń 14 jeltoqsanynda paıdalanýǵa berildi. Ǵımarattyń jer aýmaǵy 1,2 ga, al keńseniń jalpy aýmaǵy 12 019 sharshy metr.

Ǵımarat 4 bloktan turady: A blok (4 qabat ákimshilik korpýs) 8 996 sharshy metr, B blok (4 qabat jataqhana) 2 019 sharshy metr, V blok (1-qabatta akt zaly) 447 sharshy metr, G blok (1-qabatta sport zaly) 557 sharshy metr.

Jańa keńse demeýshilerdiń qarajaty esebinen turǵyzyldy.

Alla Taǵala saýapty iske úles qosqan barsha azamattarǵa razy bolsyn!

 

Pіkіrler Kіrý