BAS MÚFTI I RESPÝBLIKALYQ ÝAǴYZShYLAR FORÝMYNDA BAIaNDAMA JASADY (FOTO)

28 aqpan 2024 584 0
Оqý rejımi

Búgin elordada Qazaqstan musylmandary dinı basqarmasynyń uıymdastyrýymen «Qazaq qoǵamynda ýaǵyz aıtýdyń ádebi men mádenıeti» taqyrybynda ótip jatqan I respýblıkalyq ýaǵyzshylar forýmynda Bas múftı Naýryzbaı qajy Taǵanuly baıandama jasady. 

QMDB Tóraǵasy ýaǵyz aıtýdyń ádebi men ýaǵyz aıtýshynyń jaýapkershiligine erekshe toqtaldy. 

«Imam – qoǵamdy tárbıeleýshi tulǵa, aǵartýshy ustaz. Otanshyl, amanatqa adal, adamgershiligi mol ımandy urpaq tárbıeleýde ımamnyń atqaratyn róli erekshe. Allaǵa shúkir, halqymyzdyń rýhanı damýyna, qoǵamda otbasy qundylyǵynyń artýyna aǵartýshy ustazdar men din qyzmetkerleri úlken úles qosyp keledi. 

Bul rette jamaǵatqa danalyq jolmen nasıhat aıtýdyń mańyzy aıryqsha. Alla Taǵala qasıetti kitabymyz Quranda «Nahyl» súresiniń 125-aıatynda: «Rabbyńnyń jolyna danalyqpen ári janǵa jaǵymdy ýaǵyz-nasıhat aıtý arqyly shaqyr! Sondaı-aq Alla jolynda kúresý nemese sóz talastyrý kerek bolǵanda árdaıym sóz ben is-árekettiń eń jaqsysyn tańda...» dep ámir etken. Keıbir din mamandary sóz jaýapkershiligin sezinbeı,  halqymyz qaster tutqan ulttyq qundylyqtarymyz ben tarıhı tulǵalarymyz jaıly birjaqty pikir aıtyp, qoǵam synyna ushyrap jatady. Mundaıda Júsip Balasaǵunı babamyz:

«Aıtar sózdi saılap alǵyn aqylmen,

Jaýabyń dóp, qatar tússin naqylmen», – demeı me?. Osy rette din qyzmetkerlerin tyńdaýshylar aldynda baısaldy minez tanytyp, ár máselege baıyppen qaraýǵa shaqyramyn. Din adamy tek din taqyrybynda ǵana aıtýy tıis. Alla Taǵala ózimiz bilmeıtin nárseniń sońyna túspeýdi eskertken. Bul týraly Quranda: «Óziń naqty bilmeıtin nárseniń (málimettiń) sońyna túspe...» («Isra» súresi, 36-aıat) dep ámir etilgen» dedi Bas múftı. 

Aıta keteıik, respýblıkalyq ýaǵyzshylar forýmy elimizde tuńǵysh ret uıymdastyrylyp otyr. Forýmda din qyzmetkerlerine «Ýaǵyz aıtýdyń ádebi men mádenıeti» qujaty tanystyrylady.

Pіkіrler Kіrý