BAS MÚFTI INDONEZIIa ǴULAMALAR KEŃESIMEN BIRLESKEN MÁLIMDEMEGE QOL QOIDY (FOTO)

Indonezııa astanasy Jakarta qalasynda QMDB Tóraǵasy, Bas múftı Naýryzbaı qajy Taǵanuly osy eldiń Ǵulamalar Keńesi Bas tóraǵasynyń mindetin ýaqytsha atqarýshy doktor Marsýdı Sýhýd myrzamen kezdesip, ekijaqty áriptestik baılanysty arttyrýdyń mańyzyna toqtaldy.

Jakartada bolǵan kezdesýde arasynda birlesken málimdemege qol qoıyldy. Onda QMDB men Indonezııa Ǵulamalar keńesi álemdegi beıbitshilikti saqtaý, Islam dininiń órkendeýine úles qosý, ózara ekijaqty vebınar, konferentsııa, semınar uıymdastyrý qamtyldy. Ózara birlesken málimdeme 2023-2026 jyldardy qamtıtynyn aıta ketken jón.

Birlesken málimdemeni júzege asyrý baǵdarlamasy ekijaqty tarappen arnaıy kelisken túrde naqtylanady. Eki tarap ta yntymaqtastyqty arttyryp, Islam dinin álemge nasıhattaý, onyń ishinde Azııa aımaǵynda jańǵyrtýǵa nıetti.

Sondaı-aq málimdemege sáıkes Ǵulamalar keńesiniń birlesken jıynyn ótkizý, musylman ǵalymdar, áıelder men jastardyń pikir almasýyn qamtamasyz etý kózdelgen. Zertteýler men jarııalanymdar jasaý, stýdentterge dáris berý jáne Keńes músheleriniń tájirıbe almasýy qarastyrylǵan.

​

Источник: Aidos