Bas múftı Iordan elshisin qabyldady (FOTO)

Búgin Elordada Qazaqstan musylmandary dinı basqarmasynyń tóraǵasy Serikbaı qajy Oraz Iordan Hashımıt Koroldiginiń elimizdegi Tótenshe jáne Ókiletti Elshisi Iýsýf Abdelǵanımen kezdesti.

Kezdesýde Bas múftı Qazaqstan musylmandary dinı basqarmasynyń qoǵamdaǵy san-salaly qyzmeti týraly baıandap berdi. Basqosýda taraptar búgingi musylman úmbetiniń aýyzbirshiligin arttyrýdyń mańyzyn aıryqsha atap ótti. Sonymen qatar, elimizde ár úsh jyl saıyn ótetin Álemdik jáne dástúrli din lıderleriniń sezi sóz boldy.

Óz kezeginde mártebeli meıman ýaqyt bólip, arnaıy qabyldaǵan Bas múftıge iltıpaty men izgi tilegin jetkizdi.

Kezdesý sońynda Elshi men Bas múftı rýhanı-aǵartýshylyq baǵytta ortaq jobalardy júzege asyrýǵa ýaǵdalasty.