BAS MÚFTI IORDANIIa ELShISIMEN KEZDESTI (FOTO)

Búgin Astanada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Iordanııa Hashımıt Koroldiginiń elimizdegi Tótenshe jáne Ókiletti elshisi Hamza Mahmud Iýsef Ál-Omarı myrzany óz ótinishi boıynsha qabyldady.

Basqosýda eki eldiń rýhanı-mádenı saladaǵy áriptestik baılanysy sóz boldy. Dıplomat Iordanııa Hashımıt Koroldiginde 130-dan astam qazaqstandyq stýdentter oqyp jatqanyn atap ótti. Sonymen qatar olarǵa memleket tarapynan tıisti qamqorlyq kórsetilip kele jatqanyn da tilge tıek etti.

Kezdesý kezinde Bas múftı elshige ortaq maqsat jolynda júzege asyp kele jatqan is-sharalarǵa qajetti qoldaý kórsetkeni úshin alǵysyn bildirdi. Sondaı-aq Qazaqstan musylmandary dinı basqarmasy árqashan áriptestik baılanysty arttyrýǵa nıetti ekenin jetkizdi.

Basqosý sońynda taraptar oqý-aǵartý, bilim-ǵylym, ortaq tájirıbe almasý baǵytynda ortaq jobalardy júzege asyrýǵa kelisti. 

Derekkóz: QMDB Baspasóz qyzmeti