BAS MÚFTI ISLAM LIGASYNYŃ ÓKILIMEN KEZDESTI (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Dúnıejúzilik Islam Lıgasy Bas hatshysynyń halyqaralyq ister jónindegi ókili Ábdel Ázız ben Ahmad Sarhan myrzamen kezdesti.
Kezdesýde ekijaqty yntymaqtastyqty arttyrý máseleleri sóz boldy. Taraptar álemdik syn-qaterlerge ún qatýdyń mańyzyn talqylap, musylman úmbetiniń aýyzbirshiligin nyǵaıtý jóninde pikir almasty.
Bas múftı ótken aıda Saýd Arabııasyna jasaǵan saparynda Mekke qalasynda Dúnıejúzilik Islam Lıgasynyń Bas hatshysy sheıh, doktor Muhammed ıbn Abdýlkarım ál-Issamen kezdeskenin jetkizip, arada qalyptasqan dostyq baılanysty ári qaraı damytýǵa árqashan nıetti ekenin atap ótti.
«Mártebeli Bas hatshyny Qazaqstanǵa resmı saparmen kelýge shaqyrdym. Qurmetti Bas hatshy bul usynysymdy qoldaıtynyn jetkizip, ıgi nıetin bildirdi. Bizdiń maqsatymyz – álemde bolyp jatqan janjaldy, dinaralyq qaqtyǵystardy boldyrmaýǵa úles qosý. Bul baǵytta biz ortaq maqsattar úshin kúsh biriktirýimiz kerek» dedi Naýryzbaı qajy Taǵanuly.
Kezdesý sońynda taraptar ekijaqty yntymaqtastyqty arttyrýǵa ýaǵdalasty.
