Bas múftı kezekti juma nasıhatyn onlaın rejımde aıtty (VIDEO)

QMDB Tóraǵasy Naýryzbaı qajy Taǵanuly ár juma saıyn HIKMET TV arnasynyń Youtube jelisindegi kanalynan juma nasıhatyn aıtyp keledi. Búgingi juma nasıhatynda Bas múftı «Musylmannyń isi – Allaǵa táýekel etý» taqyrybynda áserli áńgime órbitti.

Táýekel degen ne? Ony qalaı túsinemiz? Táýekeldiń túrleri qandaı? Bas múftı ýaǵyzynda osy suraqtar tóńireginde tushymdy nasıhat aıtty.

«Adam balasy jasap jatqan isiniń nátıjesi qandaı bolaryn bilmeıdi. Sol sebepti pende árbir isin qudyreti kúshti Alla Taǵalaǵa tapsyryp, táýekel etedi. Táýekel Allaǵa degen kámil ımanmen baılanysty. Imany kámil bolmaǵan jan shynaıy táýekel jasaı almaıdy» dep atap ótti Naýryzbaı qajy Taǵanuly.

Sóz sońynda Bas múftı el musylmandaryn ıstıǵfar men salaýat aıtýǵa shaqyryp, Alla Taǵaladan elimizdiń esendigi, jurtymyzdyń amandyǵyn surap, duǵa etti.