BAS MÚFTI «HALAL DAMÝ» UJYMYNA ULTTYQ AKKREDITTEÝ ORTALYǴYNYŃ ATTESTATYN TABYSTADY
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly «Halal Damý» standarttaý jáne sertıfıkattaý mekemesi ujymyna Ulttyq akkredıtteý ortalyǵynyń attestatyn tabystady.
«Halal Damý» mekemesiniń Qazaqstan Respýblıkasynyń akkredıtteý júıesine sáıkes attestattalýy – elimizdegi halal ónimderine degen suranystyń artýy men halal ındýstrııasyn damytý baǵytyndaǵy mańyzdy qadam. Memleket tarapynan berilgen bul qujat – «Halal Damý» mekemesiniń elimizdegi akkredıtteý júıesiniń talaptaryna tolyq sáıkes ekendigin rastaıdy. Bul bizge álemdik naryqpen tyǵyz baılanysty nyǵaıtyp, ıslam elderimen saýda qarym-qatynastaryn belsendi túrde damytýǵa jol ashady. Osy oraıda, akkredıtteý protsesinde aýqymdy jumys júrgizgen «Halal Damý» mekemesi mamandarynyń qajyrly eńbegi men joǵary biliktiligin, adaldyǵyn jáne halal ónimder men qyzmetterdi sertıfıkattaý salasynda atqarǵan qyzmetin erekshe atap ótkim keledi. Sizder «Halal Damýdy» jańa beleske kóterdińizder. Bul tarıhı qujat – sizderdiń kásibı deńgeılerińiz ben eleýli eńbekterińizdiń jemisi», – degen QMDB Tóraǵasy, Bas múftı Naýryzbaı qajy Taǵanuly «Halal Damý» mekemesiniń dırektory Aıbek Asqarbekulyna attestatty tabystap, ujym qyzmetkerlerine alǵysyn bildirdi.
Aıta keteıik, «Halal Damý» standarttaý jáne sertıfıkattaý mekemesi Qazaqstan Respýblıkasynyń akkredıtteý júıesinde «Sáıkestikti baǵalaý. Halal sertıfıkattaýdy júzege asyratyn organdarǵa qoıylatyn talaptar» QR ST OIC/SMIIC 2-2022 talaptaryna sáıkes akkredıtteldi. Erekshe atap ótetin jaıt QMDB «Halal Damý» – Qazaqstan Respýblıkasy, Saýda jáne ıntegratsııa mınıstrligi, Tehnıkalyq retteý komıtetine qarasty Ulttyq akkredıtteý ortalyǵynan attestattalǵan alǵashqy mekemelerdiń biri.
