BAS MÚFTI HALYQARALYQ KITAP KÓRMESIN ARALADY

23 sáýir – Ulttyq kitap kúnine oraı Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Astana qalasynda ótip jatqan IX Halyqaralyq «Astana Eurasian Book Fair – 2026» kitap kórme-jármeńkesin aralady.

Ortalyq Azııadaǵy eń iri mádenı-aǵartýshylyq is-sharalardyń biri sanalatyn halyqaralyq kórme aıasynda Bas múftı otandyq jáne sheteldik baspalardyń ónimderimen tanysyp, birqatar rýhanı-tanymdyq eńbekterdi satyp aldy.

Sonymen qatar, QMDB janyndaǵy «Zeıin» oqyrmandar klýbynyń belsendi múshelerimen júzdesip, olarǵa kitap tabystady. Kezdesý barysynda kitap oqýdyń mańyzy, rýhanı kemeldený jolyndaǵy bilimniń róli jóninde taǵylymdy pikirler aıtyldy.

Bas múftı óz sózinde kitap – adamdy izgilikke bastaıtyn, oı-óristi keńeıtetin negizgi qural ekenin atap ótip, jastardy júıeli túrde kitap oqýǵa shaqyrdy.

Aıta keteıik, «Astana Eurasian Book Fair – 2026» halyqaralyq kórme-jármeńkesi aıasynda kitap tanystyrylymdary, avtorlarmen kezdesýler jáne túrli mádenı is-sharalar uıymdastyrylyp, kórme óz jumysyn jalǵastyrýda.

​