Bas múftı Hasan Fa Mın myrzamen suhbattasty (FOTO)

Elordada Qazaqstan musylmandary dinı basqarmasynyń tóraǵasy Serikbaı qajy Oraz Qytaı Islam qaýymdastyǵynyń tóraǵasy Hasan Fa Mın bastaǵan delegatsııany qabyldap, álemdegi qazirgi dinı ahýal týraly áńgimelesti.

2019 jyldyń 11 sáýirinde Elordada Qazaqstan jáne Reseı musylmandary dinı basqarmasy birlesip ótkizgen «Rýhanı Jibek Joly. Islam jáne jastar: qazirgi zamannyń syn-qaterleri» atty halyqaralyq konferentsııaǵa qatysqan Hasan Fa Mın aıtýly sharanyń máni men mańyzyn atap ótti.

Basqosýda din qaıratkerleri qazirgi zamannyń syn-qaterleri jaıly pikir alysyp, jastardy jat dinniń jalǵan urandarynan saqtandyrý sharalaryna birlese ún qosý jaıly áńgimelesti. Sonymen qatar, Uly jibek joly elderiniń ortaq rýhanı kartasyn jasaý týraly pikirlesti.

Kezdesý sońynda taraptar ekijaqty yntymaqtastyqty arttyrý jaıly ýaǵdalasty.