BAS MÚFTI «MEKTEPKE JOL» QAIYRYMDYLYQ AKTsIIaSYNA QATYSTY
Búgin Astana qalasyndaǵy «Áziret Sultan» meshitinde Qazaqstan musylmandary dinı basqarmasynyń uıymdastyrýymen «Mektepke jol» qaıyrymdylyq aktsııasy ótti.
Is-sharaǵa Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly, QMDB janyndaǵy Aqsaqaldar keńesiniń múshesi Jabal Erǵalıev, QMDB Tóraǵasynyń orynbasary, naıb múftı Ermek Qasbolatuly, Astana qalasynyń jáne «Áziret Sultan» meshitiniń Bas ımamy Nurbek Áýeshanuly sondaı-aq, QMDB «Zeket jáne qaıyrymdylyq» qorynyń basshysy Maqsat Maqsotuly jáne qala ımamdary qatysty.
Shara Quran oqýmen bastalyp QMDB Tóraǵasy, Bas múftı Naýryzbaı qajy Taǵanuly balalardy kele jatqan jańa oqý jylymen quttyqtap, bilim men tárbıeniń mańyzyna toqtaldy.
«Bilim – adam balasyna berilgen eń úlken nyǵmetterdiń biri. Qasıetti Qurannyń alǵashqy aıaty da: «Oqy!» dep tústi. Bul – Islam dininiń bilim men ǵylymǵa qanshalyqty mán beretininiń aıqyn dáleli. AllaTaǵala Quranda «Bilgender men bilmegender teń be?» – dep suraıdy.
Demek, bilimdi bolý – bul tek jaqsy baǵa alý emes, bul – Jaratqannyń aldyndaǵy qadir-qasıetke ıe bolý joly. Ardaqty Paıǵambarymyz (oǵan Allanyń salaýaty men sálemi bolsyn): «Bilim izdeý – árbir musylmanǵa paryz», – dep, er balalar men qyz balalarǵa birdeı bilim alýdyń mańyzyn aıtqan.
Qymbatty oqýshylar!
Bilim alý – uzaq sapar. Bul saparda tabandylyq, sabyr, tártip jáne jaýapkershilik kerek. Muǵalimderińizge qurmetpen qarap, ata-analaryńyzdyń úmitin aqtaýǵa tyrysyńyzdar. Ýaqytty bosqa ótkizbeı, ár kúnińdi paıdaly iske arnańdar. Sonymen qatar, tárbıeli, kishipeıil, adal, ádil bolyńdar. Óıtkeni shynaıy bilim adamdy jaqsy minezge jeteleıdi. Ustazdaryń men úlkenderdiń batasyn alyp, árqashan duǵamen júrińder.
Sender – eldiń erteńi, ulttyń úmitisińder. Endeshe, elińe, halqyńa, dinińe paıdasy tıetin bilimdi azamat bolyp ósýlerińdi tileımin. Jańa oqý jyly sátti, berekeli bolsyn! Balalarymyz aman, bilimderi tereń, bolashaqtary jarqyn bolǵaı! »,- dedi Bas múftı.
Aıta keteıik, búgin Astana qalasy boıynsha 2200 balaǵa oqýǵa qajetti sómkeler men oqý quraldary berilip otyr. Qazirgi tańda Respýblıka boıynsha 9913 bala qamtyldy. Bul joba 30 tamyzǵa deıin óz jalǵasyn tappaq.
