BAS MÚFTI NAHDLATÝL ÝLAMA UIYMY ORTALYQ KEŃESINIŃ ATQARÝShY DIREKTORYMEN KEZDESTI (FOTO)

QMDB Tóraǵasy Naýryzbaı qajy Taǵanuly bastaǵan delegatsııa Indonezııaǵa sapary aıasynda Nahdlatýl Ýlama uıymy Ortalyq kenesiniń atqarýshy dırektory Iahııa Holıl Stakýf myrzamen kezdesti.

Delegatsııany jyly qabyldaǵan Ortalyq keńestiń atqarýshy dırektory Qazaqstanǵa barǵan saparyn áńgimelep, birqatar mańyzdy kezdesýler bolǵanyn tilge tıek etti. Sonymen qatar ol Qazaqstandy Ortalyq Azııadaǵy irgeli memleket retinde mańyzdy áriptes sanaıtynyn jetkizdi.

Al óz kezeginde Bas múftı Naýryzbaı qajy Taǵanuly eń aldymen Nahdlatýl Ýlama uıymynyń 100 jyldyq mereıtoıymen quttyqtap, izgi nıetin jetkizdi. Sonymen qatar byltyr Astanada bolǵan kezdesýdegi mańyzdy jaıttar sóz boldy. Odan bólek qazirgi musylman álemine ortaq mańyzdy pátýa qabyldaýda tájirıbe almasý, bilim berý men halal standarty sekildi dinı mańyzdy máselelerde bir-birine kómektesý jaıy aıtyldy.

Kezdesýde Bas múftı Iahııa Holılge rızashylyǵyn jetkizip, qurmet kórsetti.