BAS MÚFTI NUR-MÚBÁRAK ÝNIVERSITETINIŃ REKTORYN QABYLDADY

QMDB tóraǵasy Naýryzbaı qajy Taǵanuly Nur-Múbarak Egıpet ıslam mádenıeti ýnıversıtetiniń rektory doktor, professor Muhammed Ýardanı myrzany jáne prorektor, PhD doktor Ershat Aǵybaıulyn qabyldady.

Kezdesý barysynda Qazaqstan men Mysyr arasyndaǵy ekijaqty yntymaqtastyqty odan ári damytý, tarıhı-mádenı baılanystardy nyǵaıtý jáne bilim berý salasyndaǵy halyqaralyq tájirıbeni keńeıtý máseleleri talqylandy.

Bas múftı óz sózinde: Mysyr men Qazaqstan arasyndaǵy tarıhı baılanystyń tamyry tereńde jatqanyna toqtaldy. Atap aıtqanda, eki el arasyndaǵy tarıhı sabaqtastyqtyń sonaý Sultan Beıbarys dáýirinen bastaý alatynyna nazar aýdaryldy.

Kezdesýde Nur-Múbarak ýnıversıtetiniń bilim berý baǵyttaryna qatysty usynystar da aıtyldy. Atap aıtqanda, qazaq halqynyń salt-dástúri men mádenıetin tereńdete oqytýǵa, ulttyq qundylyqtardy ǵylymı turǵydan zerdeleýge basymdyq berý qajettigi atap ótildi.