BAS MÚFTI «NUR-SULTAN» MEShITINDE JUMA ÝAǴYZYN AITTY

20 qarasha 2026 153 0
Оqý rejımi

Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly elordadaǵy «Nur-Sultan» meshitinde «Islamda kórshi aqysy jáne qoǵamdyq qarym-qatynas ádebi» taqyrybynda juma ýaǵyzyn aıtty. 

«Asyl dinimiz musylmandarǵa kórshimen berik baılanys ornatyp, ony syılap, qurmetteýdi buıyrady. Qazaq halqynda «Kórshi aqysy – Táńir haqysy», «Jaqsy kórshi – tóriń, jaman kórshi – kóriń», «Jaqsy bolsań kórshińmen, Kem qalmaısyń enshińnen» degen kórshige qatysty naqyl sózder kóp. Óıtkeni ata-babalarymyz «Alystaǵy aǵaıynnan jaqyndaǵy kórshiń artyq» dep kórshilik qarym-qatynasqa erekshe mán bergen.

Ardaqty Paıǵambarymyz (oǵan Allanyń salaýaty men sálemi bolsyn): «Úıdiń qutty bolýy onyń keń bolýy jáne kórshilerdiń jaqsy bolýy. Al qutsyz bolýy tar jáne kórshileriniń nashar bolýynda», – degen eken (ımam Ibn Mája). Sondyqtan óz urpaǵymyzdy kórshini syılaýǵa, aǵaıyndaı aralasýǵa, qoldan kelgen kómegin aıamaýǵa úıreteıik, - dedi Naýryzbaı qajy Taǵanuly.

Juma namazynan keıin Bas múftı meshit jamaǵatymen birge el amandyǵy men tynyshtyǵy úshin duǵa jasady.

Источник: Aisha

Pіkіrler Kіrý