Bas múftı Pavlodarda

QMDB-nyń tóraǵasy, Bas múftı Serikbaı qajy Oraz issaparmen Pavlodar qalasynda boldy.

Bas múftıdiń sapary qasıetti jumaǵa dóp kelgendikten ortalyq «Máshhúr Júsip» meshitinde juma namazyna jınalǵan myńdaǵan jamaǵattyń aldynda adamgershilik, qaıyrymdylyq, meıirimdilik, zeket paryzy, sadaqa saýaby týraly keńinen ýaǵyz tolǵady.

Kelesi kezekte haziret Serikbaı qajy juma namazyn júrgizdi. Namazdan keıin qasıetti Quran aıattary oqyldy. Qulshylyqtyń qabyl bolýyn tilegen jamaǵattyń aldynda Otanymyzǵa tynyshtyq, elimizge amandyq, árbir otbasyǵa jaqsylyq, bereke-birlik tilep duǵa jasady.

Meshitke kelgen aqsaqaldar men jastarǵa kóńil bólip, olarmen amandyq-saýlyq surasyp, rııasyz nıetin bildirdi.