BAS MÚFTI QATAR MEMLEKETINIŃ QAZAQSTANDAǴY ELShILIGINE BARYP KÓŃIL AITTY

Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Qatar memleketiniń Qazaqstan Respýblıkasyndaǵy Elshiligine baryp, Qatar memleketiniń burynǵy Ámiri, sheıh Hamad ben Halıfa Ál Tánıdiń dúnıeden ótýine baılanysty kóńil aıtty.

Bas múftı Qatar memleketiniń Qazaqstan Respýblıkasyndaǵy Tótenshe jáne Ókiletti Elshisine, marqumnyń otbasy men týǵan-týystaryna, sondaı-aq barsha Qatar halqyna Qazaqstan musylmandary dinı basqarmasy atynan qaıǵyǵa ortaq ekenin jetkizdi.

Kezdesý barysynda Naýryzbaı qajy Taǵanuly sheıh Hamad ben Halıfa Ál Tánıdiń Qatar memleketiniń órkendeýine, halqynyń ál-aýqatyn arttyrýǵa jáne halyqaralyq beıbitshilik pen turaqtylyqty nyǵaıtýǵa qosqan tarıhı úlesin atap ótti.

Sondaı-aq Bas múftı marqumnyń rýhyna duǵa jasap, Alla Taǵaladan sheıh Hamad ben Halıfa Ál Tánıdi raqymyna bólep, máńgilik mekenin jannattan etýin, al artynda qalǵan týǵan-týystary men barsha Qatar halqyna kórkem sabyr násip etýin tiledi.

​