Bas múftı Qazan qalasynda Halyqaralyq sammıtke qatysty (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Tatarstan astanasy Qazan qalasynda Edil Bulǵarııasynyń Islamdy qabyldaǵanyna 1100 jyl tolýyna oraı uıymdastyrylyp jatqan «Reseı – Islam álemi: KazanSummit» HIII halyqaralyq Ekonomıkalyq sammıtke qatysty.

Bas múftı Naýryzbaı qajy Taǵanuly Tatarstan prezıdenti Rýstam Mınnıhanov jáne mártebeli meımandarmen birge «RUSSIA HALAL EXPO» halyqaralyq kórmesin tamashalady.

Aıta ketsek, Qazan qalasyndaǵy halyqaralyq sammıt jumysyna elimizden birneshe memlekettik mekeme men qoǵamdyq uıymdardyń jetekshileri qatysty.