BAS MÚFTI QAZAQSTANNYŃ EŃBEK ERI, HALYQ JAZÝShYSY MUHTAR ShAHANOVTYŃ OTBASYNA KÓŃIL AITTY

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly marqum bolǵan Muhtar Shahanovtyń otbasyna kóńil aıtty.

«Kórnekti aqyn, dramatýrg, qoǵam qaıratkeri, Qazaqstannyń Eńbek Eri, Halyq jazýshysy Muhtar Shahanovtyń qaıtys bolǵany týraly qaraly habar meniń de janyma batty, júregimizdi eljiretip, kóńilimizdi qulazytty. Alladan kelgen ajalǵa amal bar ma?! 

Marqumnyń otbasyna, týǵan-týys, aǵaıyn-jurtyna, barsha qazaq eline ózimniń jáne Qazaqstan musylmandary dinı basqarmasy ujymy atynan qaıǵyǵa ortaqtasa otyryp, kóńil aıtamyn. Alla Taǵala marqumnyń otbasyna kórkem sabyr bersin.

Muhtar aǵamyz qazaq poEzııasynda ózindik qoltańbasyn qaldyryp qana qoımaı, qoǵamdaǵy kúrdeli máselelerge ún qosyp, el men jer taǵdyryna árdaıym alańdaýshylyq bildirdi. Onyń ádilet jolyndaǵy kúresi, qashan da eldik múddeni joǵary qoıa bilgen ór minezi óskeleń urpaqqa máńgilik ónege bolary haq.

Alla Taǵala qasıetti Quranda: «Ár qıyndyqtan keıin, sózsiz jeńildik bar» («Sharh» súresi, 6-aıat) degen. Qaıǵyly qazanyń sońy qaıyrly bolǵaı. Rabbymyz marqum aǵamyzdyń janyn jánnattan etip, meıirimine bólegeı. Imany ózine joldas bolǵaı! Áýmın!»,- delingen Bas múftıdiń kóńil aıtý jedel hatynda.