BAS MÚFTI QAZAQSTANNYŃ TÚRKIIaDAǴY ELShISIMEN KEZDESTI (FOTO)

QMDB Tóraǵasy, Bas múftı Naýryzbaı qajy Taǵanuly Ankara qalasynda Qazaqstannyń Túrkııadaǵy Tótenshe jáne Ókiletti Elshisi Erkebulan Sápıevpen kezdesti.

Kezdesý barysynda Túrkııada oryn alǵan zilzala jaıy, apat bolǵan aımaqtarda bilim alyp jatqan qazaqstandyq stýdentterdiń jaı-kúıi talqylandy.

Erkebulan Ońalbekuly zilzala bolǵan aımaqtarǵa qazaqstandyq eriktiler járdem kórsetkenin aıta kelip, QMDB-nyń «Talaba» qaýymdastyǵynyń zilzaladan qıraǵan eldimekenderge kórsetken kómegi úshin alǵys aıtty. Qaýymdastyqtyń qaıyrymdylyq kómegine joǵary baǵa berdi. «Talaba» qaýymdastyǵy apat bolǵan aımaqtarǵa kómek retinde 13 mln teńge kóleminde qaıyrymdylyq kómek kórsetildi.

Bas múftı aldaǵy ýaqytta da «Talaba» qaýymdastyǵy janynan eriktiler toby qurylyp, qıraǵan eldimekenderdi qalpyna keltirýge daıyn ekendigin jetkizdi. Sondaı-aq kezdesýde eki el arasyndaǵy rýhanı baılanysty arttyrý jáne Túrkııanyń dinı oqý oryndarynda oqyp jatqan shákirtterdiń jaı-kúıi sóz boldy.

​

Источник: Aidos