BAS MÚFTI QONAEV QALASYNYŃ QURMETTI AZAMATYMEN KEZDESTI (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Almaty oblystyq Qazaqstan halqy Assambleıasy aqsaqaldar keńesiniń jáne Qonaev qalalyq ardagerler keńesiniń tóraǵasy jáne osy shahardyń Qurmetti azamaty Amangeldi Bespaevpen kezdesti.

Júzdesý barysynda QMDB janynan qurylǵan Aqsaqaldar keńesiniń atqarǵan jumystary sóz boldy. Amangeldi aqsaqal Bas múftıge 2022 jyly Qonaev qalasynda ótken respýblıkalyq Aqsaqaldar forýmynda aıtylǵan bastamalardyń oblys kóleminde oıdaǵydaı iske asyp jatqanyn baıandady.

Sondaı-aq «Islam jáne izgi qoǵam» jylyna josparlanǵan aýqymdy is-sharalar men Aqsaqaldar keńesiniń jumysyn jetildirý jóninde áńgime órbidi.