Bas múftı «Qordaı» medresesiniń ashylý saltanatyna qatysty (VIDEO+FOTO)

12 qarasha 2018 6272 0
Оqý rejımi

Qazaqstan musylmandary dinı basqarmasynyń tóraǵasy Serikbaı qajy Oraz Jambyl oblysynda «Qordaı medresesiniń» saltanatty ashylý rásimine qatysty.

Igi sharada jergilikti jamaǵatty quttyqtaǵan QMDB tóraǵasy Serikbaı Satybaldyuly:

«Allaǵa shúkir, elimizdegi ultaralyq, dinaralyq tatýlyqtyń nátıjesinde səýleti kórkem zəýlim meshit pen medreseler boı kóterýde. Qazaqstan musylmandary dinı basqarmasy jastarymyzdyń dəstúrli dinı bilim alýyna barynsha múmkindik jasaýda. Bul baǵytta kóptegen jobalar júzege asýda. Sonyń biri - medreseler men qarılar ortalyǵyn ashý. Ózderińiz bilesizder, Almatydaǵy «Nur Múbərak» ýnıversıtetinde joǵary dinı bilim alýǵa tolyq múmkindik  bar. Alla Taǵala Quran jattaǵan pendesiniń abyroıyn eki dúnıede arttyryp qoıady. Osy medresede təlim alǵan shəkirtter elimizdiń rýhanı damýyna úles qosa bersin», – dep atap ótti.

Óz kezeginde sóz alǵan Jambyl oblystyq Din isteri basqarmasynyń basshysy Jangeldi Omarov aýyl turǵyndaryn medreseniń ashylýymen quttyqtap, jamaǵatty óz elimizdiń dinı oqý oryndarynda bilim alýǵa shaqyrdy.

Aıta keteıik, Qordaı aýdany Masanchı aýylynda resmı túrde ashylǵan medresede 100-ge jýyq shəkirt təlim alýda. Medreseniń negizgi qyzmeti - qarı daıarlaý. 

Pіkіrler Kіrý