Bas múftı Reseı Islam mádenıeti ortalyǵynyń prezıdentimen suhbattasty (FOTO)

Astanada Qazaqstan musylmandary dinı basqarmasynda Bas múftı Serikbaı qajy Oraz Reseı Islam mádenıeti ortalyǵynyń prezıdenti, belgili qoǵam qaıratkeri Abdýl-Vahed Nııazov bastaǵan delegatsııany qabyldady.

Kezdesýde QMDB men Reseı múftıler keńesi arasyndaǵy áriptestik, baýyrmaldyq baılanystyń bolashaǵy, búgingi musylman úmbetiniń qarym-qatynasy, Eýrapa elderindegi Islam dininiń damý úderisi, Reseı Federatsııasyndaǵy musylman qaýymynyń búgingi tynysy, dástúrli Eýropa musylman forýmynyń jańa múmkindikteri, álemdik halal standarttaý salasynyń bolashaǵy, t.b. máseleler sóz boldy.

Abdýl-Vahed Nııazov Qazaqstan musylmandary dinı basqarmasynyń jumysy men ótken jyly atqarǵan aýqymdy jobalary jaıly oılarymen bólisti.

Bas múftı 2019 jyldyń 12 sáýirinde Astana qalasynda ótetin «Rýhanı Jibek joly. Islam jáne jastar: qazirgi zaman syn-qaterleri» atty IV Halyqaralyq ǵylymı-dinı konferentsııanyń jumys jospary jaıly áńgimelep berdi.

«Qazaqstan musylmandary dinı basqarmasy men Reseı múftıler Keńesiniń birlese uıymdastyratyn sharanyń maqsaty – Elbasy bastamasymen jarııalanǵan Jastar jylyna ún qatý, «Álemdik jáne dástúrli dinder kóshbasshylarynyń sezi», «Rýhanı jańǵyrý», «Uly dalanyń jeti qyry» ıdeıalaryn rýhanı-dinı turǵydan nasıhattaý. Konferentsııa eýrazııalyq keńistiktegi halyqtardyń dinı-mádenı muralaryn odan ári damytýdy, jan-jaqty yntymaqtastyqty arttyrýdy, ultaralyq, konfessııaaralyq dıalogty nyǵaıtýdy kózdeıdi», – dep atap ótti Serikbaı Satybaldyuly.

Kezdesý sońynda taraptar halyqaralyq ıgi jobalardy birlese atqarýǵa ýaǵdalasty.