BAS MÚFTI RESMI ISSAPARMEN SAÝD ARABIIaSYNA KELDI
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly resmı issaparmen Saýd Arabııasy Koroldigine keldi.
Sapardyń basty maqsaty – 2026 jylǵy qajylyq maýsymyna daıyndyq jumystaryn pysyqtaý jáne eki el arasyndaǵy yntymaqtastyq baılanystardy odan ári damytý.
QMDB Tóraǵasy resmı saparyn 5-inshi Qajylyq isteri konferentsııasy men kórmesiniń ashylý rásimine qatysýdan bastady.
Bas múftı bastaǵan delegatsııa quramynda QMDB Qajylyq mıssııa músheleri bar.
Issapar aıasynda Saýd Arabııasynyń Qajylyq jáne umra mınıstrligi, Mekke men Mádına qalalaryndaǵy tıisti mekemelermen birqatar resmı kezdesýler ótkizý josparlanǵan. Kezdesýlerde qazaqstandyq qajylardyń qaýipsizdigi, ornalastyrý, kólik jáne medıtsınalyq qyzmet kórsetý máseleleri talqylanyp, yntymaqtastyq týraly kelisimder jasalmaq.
Bas múftı Naýryzbaı qajy Taǵanuly bul sapardyń basty maqsaty – Qazaqstandyq qajylardyń jaǵdaıyn jaqsartý jáne qajylyq qyzmetin uıymdastyrý isin jańa deńgeıge kóterý ekenin atap ótti.
Источник: Aidos
