BAS MÚFTI RESPÝBLIKALYQ KONFERENTsIIaDA BAIaNDAMA JASADY

Búgin Qazaqstan musylmandary dinı basqarmasynyń uıymdastyrýymen «Tektilik – asyl qasıetimiz» taqyrybynda ótken respýblıkalyq konferentsııada Bas múftı Naýryzbaı qajy Taǵanuly baıandama jasady.

«Rasynda biz túrkilik tegimizdi saqtaı bilgen joraly jurtpyz. Qazaq halqynda «Tekti adam – eldiń uıytqysy» degen sóz bar. Tektilik – tek qannyń tazalyǵy emes, sonymen birge rýhanı baılyqtyń, izgilik pen adaldyqtyń nyshany. Ata-ananyń tárbıesi, otbasyndaǵy ónege – balanyń bolashaǵyna tikeleı yqpal etetin faktorlar. Ómirinde kezdesetin ustazdary, dostary, ıaǵnı, ortasy da adamnyń tektiligin saqtaýyna nemese joǵaltyp alýyna áser etpeı qoımaıdy. Bul jóninde Hakim Abaı: «Adamnyń adamshylyǵy – aqyl, ǵylym, jaqsy ata, jaqsy ana, jaqsy qurby, jaqsy ustazdan bolady» deıdi.

Al asyl dinimiz Islamda tektiliktiń mańyzy zor. Alla Taǵala qasıetti Quranda: «Izgi áıelder izgi erlerge, izgi erler izgi áıelderge laıyq. Mine, osynaý izgi jandar jalaqorlardyń jalasynan taza. Olarǵa Allanyń keńshiligi men berekeli rızyq-nesibe bar», – degen («Nur» súresi, 26-aıat). Al ardaqty Paıǵambarymyz Muhammed (oǵan Allanyń salaýaty men sálemi bolsyn) óziniń hadısinde:

«Áıelge tórt nársesi úshin úılenedi: baılyǵy úshin, tegi úshin, sulýlyǵy úshin jáne dini úshin. Sen dindardy (ımanyna qarap) unat. Alla qolyńdy keńitedi» degen. Mine, bul hadıstiń ózi kóp nárseni ańǵartyp tur.

Asyl dinimizben bite-qaınasqan ata dástúrimizde de tektilik adam tanýda asa mańyzdy. «Tektiden tekti týady, tektilik tuqym qýady», «Kórip alǵan teksizden kórmeı alǵan tekti artyq» degen danalyq sózderdiń jany bar» dedi Bas múftı.

Sondaı-aq konferentsııa barysynda QMDB Tóraǵasy Naýryzbaı qajy Taǵanuly BAQ ókilderine búgingi jıyn týraly suhbat berdi.

​