BAS MÚFTI RESPÝBLIKALYQ QURAN JARYSYNYŃ AShYLÝYNA QATYSTY

Búgin Aqtóbe qalasyndaǵy «Nur Ǵasyr» meshitinde Quran Kárimdi jatqa jáne mánerlep oqý boıynsha HV respýblıkalyq baıqaý bastaldy.

Igi is-sharaǵa Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly qatysyp, jas qarılarǵa sáttilik tiledi.

«Barshańyzdy Qazaqstan musylmandary dinı basqarmasynyń uıymdastyrýymen Aqtóbe qalasynda bastalǵan Quran Kárimdi jatqa jáne mánerlep oqý boıynsha HV respýblıkalyq baıqaýdyń ashylý saltanatymen shyn júrekten quttyqtaımyn! Alla Taǵala qarılarymyzǵa sáttilik násip etsin. Quran tek oqylyp, jattalatyn kitap emes, ómir súretin jol, adamdy kemeldikke bastaıtyn rýhanı baǵdar. Búgingi baıqaýdyń máni de osynda. Osy rette jas qarı baýyrlaryma aıtarym: Qurandy jattaý – úlken nyǵmet. Biraq onyń jaýapkershiligi de úlken. Quran jattaǵan adam óziniń minezine, sózine, isine qaraýy kerek. Óıtkeni Quran adamnyń tilinde ǵana emes, minezinde kórinýi tıis. Aısha anamyzdan Alla elshisiniń (oǵan Allanyń salaýaty men sálemi bolsyn)minezi jaıynda suraǵanda: «Onyń minezi – Quran edi», – dep jaýap bergen. Bul bizge úlgen ónege bolýǵa tıis» dedi Bas múftı Naýryzbaı qajy Taǵanuly.

QMDB Tóraǵasy óz sózinde respýblıkalyq Quran jarysynyń turaqty demeýshisi, dinimizdiń janashyry Ablazımov Baharıdın Nuǵmanulyna aıryqsha alǵys bildirip, rızashylyǵyn bildirdi. Aıta ketsek, Quran jarysy erteń de jalǵasady.