BAS MÚFTI SOLTÚSTIK QAZAQSTAN OBLYSY ÁKIMIMEN KEZDESTI (FOTO)

Búgin Soltústik Qazaqstan oblysyna bir kúndik jumys saparymen barǵan Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly oblys ákimi Aıdarbek Saparovpen kezdesti.

Kezdesýde óńir basshysy Aıdarbek Seıpiluly Bas múftıdi Ramazan aıymen quttyqtap, osy aıda atqarylyp jatqan ıgi ister týraly baıandap ótti.

Bas múftı Naýryzbaı qajy Taǵanuly Aıdarbek Saparovty jańa qyzmetimen quttyqtap, tabys tiledi. Dinı basqarma tóraǵasy soltústik óńirdegi dinı ahýaldy jetkizip, aımaqta kadr tapshylyǵy bar ekenin, odan bólek qazirgi tańda jumys istep jatqan qala, aýdan, aýyl meshitterindegi ımamdardyń áleýmettik jaǵdaıyn da tilge tıek etti. Aımaq basshysy óz tarapynan qoldaý kórsetetinin jetkizdi.

Kezdesý sońynda taraptar ortaq jobalar boıynsha ekijaqty qoldaý kórsetýge ýaǵdalasty.