BAS MÚFTI TÓRAǴALYǴYMEN KEZEKTI «BÓLIM SAǴATY» ÓTTI
Búgin Elordada Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń qatysýymen kezekti «Bólim saǵaty» ótti.
Jıyn barysynda QMDB Islam qarjy sektorynyń meńgerýshisi Nurjan Stambakıev Islam bankınginiń teorııasy men praktıkasyna jóninde baıandama jasady.
Aldymen spıker sektordyń atqaryp jatqan jumystary men qyzmeti týraly keńinen toqtaldy. Osydan soń Islamdyq qarjy, Islamdyq banktiń naryqtaǵy dástúrli qarjy uıymdarynan aıyrmashylyǵy, jumys isteý prıntsıpi men ózgeshilikteri, Sharıǵatqa sáıkestigi týraly aqparat berdi.
Kezdesýde Bas múftı «Islam qarjysy – qazirgi qoǵam úshin ózekti baǵyttardyń biri. Bul salada halyqtyń sharıǵat talaptaryna saı qarjylyq qyzmetterge degen suranysyn eskerý, ıslamdyq qarjylandyrýdyń erekshelikterin túsindirý, osy baǵyttaǵy sharıǵı máselelerdi zerdeleý, mamandardyń biliktiligin arttyrý jáne qoǵamǵa durys aqparat jetkizý mańyzdy, - dep atap ótti.











