Bas múftı tóraǵalyǵymen QMDB Apparat jınalysy ótti (FOTO)

Búgin Astanada Bas múftı Serikbaı qajy Orazdyń tóraǵalyǵymen Qazaqstan musylmandary dinı basqarmasynyń apparat jınalysy ótti.

Məjiliske QMDB tóraǵasynyń birinshi orynbasary Naýryzbaı qajy Taǵanuly, naıb múftı Baýyrjan qajy Əbdirashuly, QMDB Apparat basshysy Ǵylymbek Məjıev, bólim meńgerýshileri qatysty.

Basqosýda ýaǵyz-nasıhat jumystaryn jandandyrý, ózekti suraqtar tóńireginde pətýalar shyǵarý, ýnıversıtet pen medreselerge shəkirt daıarlaý, jastar jyly aıasynda ıgi is-sharalar uıymdastyrý, halal standarttaý salasyn damytý, meshit qujattaryn der kezinde tıisti mekemelerge tirkeý, t.b. məseleler talqylandy. Sonymen qatar, 2019 jyldyń jumys jospary bekitildi.

"Osynda otyrǵan ərqaısymyzdy Dinı basqarmanyń damýyna qalaı úles qossam degen saýal tolǵandyrýy tıis. Dinı salaǵa yjdahattylyq pen yqylas qajet. Sonda ǵana bul sala órkendeıdi. Osynaý jańa ǵımaratta jańa bastamalardy belsendilikpen júzege asyrýǵa shaqyramyn", - dep atap ótti Serikbaı qajy Satybaldyuly.

Kezdesý sońynda Bas múftı bólim meńgerýshilerine naqty tapsyrmalar berdi.