Bas múftı «Tsıfrly qaıyrymdylyq» semınarynyń qatysýshylaryna sertıfıkat tabystady (FOTO)

QMDB Tóraǵasy Naýryzbaı qajy Taǵanuly «Zeket jáne qaıyrymdylyq» qory men «Ýaqyp» qory uıymdastyrǵan «Tsıfrly qaıyrymdylyq» taqyrybyndaǵy respýblıkalyq oqý-semınarynyń qatysýshylaryna sertıfıkat tabystady.

Bas múftı ókildikterdiń qaıyrymdylyq, zeket jáne ýaqyp baǵytyna jaýapty mamandaryna tıisti nusqamalar men keńester berip, nasıhatyn jetkizdi.

Aıta ketsek, Dinı basqarmanyń «Hákim Abaı» kitaphanasynda ótken ıgi sharaǵa óńirlik meshitterde ımamdyq qyzmet atqaratyn zeket jáne ýaqyp salasyna jaýapty mamandar bir kúndik semınar barysynda «Zeket jáne ýaqypty uıymdastyrýdyń ınnovatsııalyq jáne tsıfrly tetikteri», «Memlekettiń áleýmettik jobalary men baǵdarlamalary», «Paıǵambarymyzdyń ﷺ muqtajdarmen qarym-qatynasy», «Zeket pen ýaqyptyń mańyzdylyǵy», «Ýaqyp máseleleri», sondaı-aq «Ǵalamtor jáne áleýmettik jeliniń áleýetin tıimdi paıdalaný» taqyryptarynda dáris tyńdady.