BAS MÚFTI TÚRKIIa DIN ISTERI BASQARMASY ÓKILDERIN QABYLDADY

Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Túrkııa Respýblıkasynyń Din isteri basqarmasy ókilderin qabyldady.

Kezdesýge Túrkııa Din isteri basqarmasy tóraǵasynyń orynbasary Fatıh Mehmet Karadjanyń, Eýrazııa departamentiniń basshysy Ómer Farýk Savýran jáne Túrkııa Respýblıkasynyń Qazaqstandaǵy Elshiliginiń din isteri jónindegi keńesshisi Iýsýf Akkýsh qatysty.

Bas múftı baýyrlas elderdiń dinı basqarmalary arasynda qalyptasqan ózara tájirıbe almasý men yntymaqtastyqtyń mańyzyn atap ótti. Óz kezeginde Túrkııa Din isteri basqarmasy ókilderi Qazaqstan musylmandary dinı basqarmasymen áriptestik baılanystardy odan ári damytýǵa nıetti ekenin bildirip, eki eldiń dinı salasyndaǵy yntymaqtastyqtyń mańyzyn atap ótti.

Kezdesý sońynda taraptar baýyrlas elder arasyndaǵy rýhanı baılanysty nyǵaıtýǵa baǵyttalǵan birlesken jumystardy jalǵastyrýǵa ýaǵdalasty.













 

​