Bas múftı Túrkııadan kelgen delegatsııany qabyldady (FOTO)

Elordada Qazaqstan musylmandary dinı basqarmasynyń tóraǵasy Serikbaı qajy Oraz Túrkııa din isteri basqarmasy «Dinı joǵary bilikti mamandardy jetildirý «Hasekı» akademııalary» departamentiniń basshysy Akkýsh Abdýrrahman, Túrkııa din isteri basqarmasy Oqý-aǵartý departamentiniń basshysy Okýıan Sýat, Túrkııanyń Qazaqstandaǵy elshisiniń Din isteri jónindegi keńesshisi Galıp Akyn myrzalarmen kezdesti.

Kezdesýde Qazaqstan musylmandary dinı basqarmasy men Túrkııa din isteri basqarmasy arasyndaǵy áriptestik baılanys sóz boldy. Sonymen qatar, joǵary dinı bilikti mamandar korpýsyn qalyptastyrý máselesi jan-jaqty talqylandy.

Bas múftı Serikbaı qajy Satybaldyuly qazaqstandyq shákirtterdiń Túrkııadaǵy «Hasekı» akademııasynda bilim jetildirýine múmkindik jasap jatqan oqý orynnyń basshylyǵyna alǵysyn bildirdi.

Kezdesý sońynda taraptar oqý-aǵartý salasy boıynsha áriptestik baılanys kókjıegin keńeıte túsýge ýaǵdalasty.