BAS MÚFTI «ÝAQYP ANYQTAMALYǴY» KITABYNYŃ TUSAÝYN KESTI

«Uly daladaǵy ýaqyptyń orny» II respýblıkalyq forýmynda «Ýaqyp anyqtamalyǵy» atty sý jańa kitaptyń tanystyrylymy ótti. 

Qundy eńbektiń tusaýkeser rásimin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly, QR Din isteri komıteti tóraǵa orynbasary Maqsat Aralbaıuly, naıb múftı Sansyzbaı Qurbanuly, «Múftııat» baspasynyń dırektory Batyrjan Mansurov ótkizdi.

Bul kitap 2 jyldan astam ýaqyt boıy zerttelip, qalyń kópshiliktiń nazaryna usynylyp otyr. Atalǵan týyndyda sharıǵattaǵy ýaqyptyń mán-mańyzy, ony basqarýdyń tetikteri men qaıyrymdylyq mádenıetin damytý sekildi baǵyttar júıelenip jazylǵan.

Budan bólek, forýmda Bas múftı din jolynda dúnıe-múlkin ýaqyp etken kásipkerlerge arnaıy taqtaısha tabystap, kópshiliktiń aldynda marapattady. Olardyń qatarynda jer telimin, kóligin, turǵyn-úıler men ózge de dúnıelerin ýaqyp etken azamattar bar.

​