Bas múftı jazǵy lager balalaryn merekemen quttyqtady

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly halyqaralyq balalardy qorǵaý kúnine oraı Astanadaǵy «Áziret Sultan» meshitinde bastalǵan jazǵy saýat ashý kýrsynyń búldirshin shákirtterin merekemen quttyqtady.

Sondaı-aq kezdesýge Astana qalasynyń bas ımamy Nurbek Áýeshanuly jáne meshittiń din qyzmetkerleri qatysty.

Bas múftı óz sózinde balalardyń sapaly bilim alyp, ónegeli tárbıemen sýsyndap, el bolashaǵyna qyzmet etetin sanaly azamat bolyp qalyptasýynyń mańyzdylyǵyna toqtaldy. Sonymen qatar shákirtterge aq batasyn berip, jarqyn bolashaq pen amandyq tiledi.

Merekelik shara barysynda balalarǵa balmuzdaq taratylyp, kóterińki kóńil kúı syılady. Búldirshinder erkin suhbattasyp, estelik sýretterge tústi. Balalardyń shat kúlkisi men qýanyshty kóńil kúıi merekeniń erekshe atmosferasyn aıshyqtaı tústi.

Aıta keteıik, «Imanı jaz-2026» jazǵy lageriniń negizgi maqsaty – oqýshylardyń jazǵy demalysyn tıimdi uıymdastyryp, olardyń rýhanı-adamgershilik tárbıesin nyǵaıtý, ulttyq jáne dinı qundylyqtardy dáripteý.